Portada
Gabinete
Recursos técnicos
Igualdade
Denuncias
Enlaces de Interese
Contacto
5/4/2017
Facebook Twitter Google Plus Menéame del.icio.us Chuza
compartir

Dispositivo para calcular verquidos de hidrocarburos

I+D+i
Investigadores do Departamento de Física Aplicada da Universidade de Vigo desenvolveron un dispositivo que permite a detección e identificación de verquidos de hidrocarburos. As características do dispositivo publicáronse na revista Applied Optics, no artigo titulado Remote photonic sensor to detect crude and refined oil, publicación da Optical Society of America OSA.

Os investigadores indican que “se desenvolveu un sensor de baixo custo que permite a detección de hidrocarburos vertidos en auga, así como a súa identificación para coñecer que tipo de hidrocarburo é”. O dispositivo podería utilizarse para a monitorización de áreas mariñas con risco de sufrir verquidos ou para o seguimento dun derrame.

O aparato, deseñado para flotar na superficie, utiliza o fenómeno de fluorescencia para a detección e a identificación. 

Segundo os investigadores, que recrearon en laboratorio as condicións dun verquido de petróleo na auga, "as probas realizadas permitiron distinguir entre tres tipos diferentes de cru (morichal, maia e ecofisk) proporcionados pola compañía Repsol, así coma dous tipos de refinados (gasolina e gasóleo), pero é esperable que o sistema permita distinguir entre outros moitos”.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais