Portada
Gabinete
Recursos técnicos
Igualdade
Denuncias
Enlaces de Interese
Contacto
3/8/2016
Facebook Twitter Google Plus Menéame del.icio.us Chuza
compartir

Novo accidente laboral no sector galego da conserva

ACCIDENTE LABORAL
Unha traballadora de 50 anos de idade sufriu na tarde noite do luns 27 de xuño un accidente laboral nunha fábrica conserveira de O Grove, o que obrigou ao seu traslado en estado grave ao hospital provincial de Montecelo na cidade de Pontevedra. Alí foi intervida de urxencia e os médicos tiveron que amputarlle o antebrazo, que quedara completamente esmagado e irrecuperable como consecuencia do accidente

A traballadora estaba a piques de rematar a súa quenda cando a máquina que manexaba esmagoulle completamente o brazo, dende a man ata o cóbado, tendo que ser rescatada polo Servizo Municipal de Emerxencias de O Grove, cuxos efectivos aplicáronlle vendaxes compresivos ata a chegada da ambulancia do 061 que a trasladou ao centro hospitalario pontevedrés.

Este accidente é un máis dos múltiples accidentes laborais que se están a rexistrar nos últimos tempos na comarca de O Grove, na que no ano 2015 incrementouse a sinistralidade laboral nun 2% respecto do 2014; supoñendo este tipo de accidente grave o terceiro dos acontecidos en menos dun ano.

Segundo as estatísticas elaboradas polo ISSGA (Instituto Galego de Seguridade e Saúde Laboral) a partires dos datos obtidos dos partes de baixa rexistrados , a comarca de O Salnés pechou 2015 cun total de 790 accidentes laborais, xunto a 93 casos máis en Catoira, Valga e Pontecesures.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais