Portada
Gabinete
Recursos técnicos
Igualdade
Denuncias
Enlaces de Interese
Contacto
29/9/2016
Facebook Twitter Google Plus Menéame del.icio.us Chuza
compartir

O lobby de fabricantes de pesticidas permite de xeito limitado a visualización dos estudos de toxicidade

Medio ambiente
A alarma xerada na opinión pública pola posibilidade de que o glifosato sexa un perturbador endocrino perigoso e a posición de determinados estados, como Francia que votou en contra da prórroga de 18 meses aprobada pola Comisión Europea para o seu emprego, forzaron á Comisión Europea a presionar ao lobby de fabricantes de pesticidas, integrado no denominado Grupo Especial de Traballo sobre o Glifosato, GTF, para que faga públicos os traballos científicos cos que conta sobre a toxicidade do produto que fabrican.

A semana pasada o lobby publicou un comunicado no que anunciaba a apertura dunha sala pública para a lectura dos estudos, concretamente de 71, que xa presentara á EFSA, Autoridade Europea de Seguridade Alimentaria no procedemento de renovación da autorización da venda e que esta avaliara positivamente (ligazón aos resumos); a EFSA considerou "pouco probable que o glifosato implique risco carcinoxénico para os seres humanos” e que "non amosa efectos sobre a fertilidade e o desenvolvemento embrionario".

Os informes só poden ser consultados na sala de lectura habilitada para o efecto en Bruxelas ata finais de outubro a quen acepte os termos e condicións da consulta, dispoñibles nunha páxina de inscripción en liña; os fabricantes recoñecen que se eliminou información dos documentos públicos, en liña co Artigo 63 do regulamento da UE que rexe a autorización de produtos.

Parece unha medida destinada a salvar a cara á Comisión Europea e ao comisario que fixo a presión, pero insuficiente en relación á transparencia que require o estudo científico de produtos potencialmente perigosos para a saúde sobre os que hai discrepancia científica. Lembrar que a Organización Mundial da Saúde a través do seu Centro Internacional de Investigación do Cancro declarou en marzo do ano pasado que o glifosato era probablemente canceríxeno para a especie humana.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais