Portada
Gabinete
Recursos técnicos
Igualdade
Denuncias
Enlaces de Interese
Contacto
25/4/2012
Facebook Twitter Google Plus Menéame del.icio.us Chuza
compartir

O Servizo de Prevención de Riscos Laborais organiza unha xornada informativa sobre o traballo en altura

Universidade de Vigo
En Galicia prodúcense 3000 accidentes anuais como consecuencia de caídas en altura. As cifras demostran que queda moito por facer no eido da prevención de riscos laborais, un campo no que a Universidade de Vigo ten avanzado nos últimos anos, aprobando, por exemplo, "o Plan de Prevención da Universidade e desenvolvendo plans espacíficos de autoprotección para os centros así como simulacros e actividades formativas", como explica o vicerreitor de Economía e Planificación, José Manuel García.

A última destas iniciativas é unha Xornada de Traballos en Altura que se desenvolve ao longo desta semana nos tres campus cos que conta a Universidade de Vigo. Cada ano en Galicia prodúcense 3000 accidentes como consecuencia de caídas en altura. De feito, das 500 mortes ao ano que se producen en España por accidentes de traballo, o 8% débense a este tipo de incidentes, sendo a causa máis frecuente con medio cento de falecementos a nivel nacional. Os programas de prevención son instrumentos eficaces para frear esta drástica tendencia, motivo polo que o Servizo de Prevención de Riscos Laborais da Universidade organizou esta primeira xornada formativa. Ao longo de todo o día, técnicos, especialistas, enxeñeiros e responsables de empresas ofreceron aos preto dun cento de asistentes un percorrido tanto polo equipamentos de seguridade, como polas medidas máis idóneas e as normativas, así como varios obradoiros prácticos no campus e nas sedes de empresas deste eido.

As caídas en altura, son a causa máis frecuente de morte en accidentes laborais e as súas consecuencias suelen ser moi graves.  Cun un investimento en torno a uns 40 €, custe aproximado dun arnés básico e cabo de ancoraxe, formación suficiente e un bo sistema de prevención para traballos en altura poden evitarse a maior parte deste tipo de accidentes. Esta cifra contrasta cos 377.000 euros que poden supor de custes medios os derivados dunha gran invalidez, aos que se suma o drama persoal e familiar, os custes sanitarios e prexuízos por condenas xudiciais para o empresario.

Fonte: Universidade de Vigo

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais