Portada
Gabinete
Recursos técnicos
Igualdade
Denuncias
Enlaces de Interese
Contacto
25/2/2016
Facebook Twitter Google Plus Menéame del.icio.us Chuza
compartir

Suprímese a modalidade a distancia na formación en prevención de riscos laborais para o sector da construción

formación
O 23 de febreiro o BOE publicou a Acta de acordos sobre a modificación da regulación da tarxeta profesional da construción de acordo co estabelecido no V Convenio colectivo do sector da construción. Entre os cambios que se aprecian neste texto, está a adaptación da formación en prevención de riscos laborais motivada según se explica no mesmo pola recente modificación do Sistema Profesional para o Emprego, que suprime a modalidade a distancia.

Así, quedan como modalidades de impartición de actividades formativas en materia de prevención de riscos laborais para a construción, a presencial e a mixta (presencial e teleformación), indicándose así mesmo o número mínimo de horas presenciais dependendo do tipo de formación, que será:

-Presencial nos casos da formación incial (Primeiro ciclo de formación), contidos formativos en función do posto de traballo ou por oficio (Segundo ciclo de formación) e formación para traballadores polivalentes.

-Presencial ou mixta para administrativos (formación de 20 horas cun mínimo de 5 horas presenciais), directivos (10 horas de formación cun mínimo de 2.5 horas presenciais).

No caso do curso básico de prevención na construción (60 horas), poderá desenvolverse nas modalidades presencial ou mixta; no caso da modalidade mixta, a parte presencial terá unha duración mínima de 20 horas e o tempo mínimo que debe transcurrir dende a primeira sesión presencial e a última será de tres semanas.

Tamén se recollen cambios relativos á TPC. A partir de agora contará un código QR, que permitirá incluír máis información. Tamén se verán afectados os formularios de  solicitude e renovación e os certificados de empresa para acreditar a experiencia no posto e na categoría profesional dos titulares das TPC.

Ligazón ao BOE

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais