Portada
Gabinete
Recursos técnicos
Igualdade
Denuncias
Enlaces de Interese
Contacto
22/12/2016
Facebook Twitter Google Plus Menéame del.icio.us Chuza
compartir

Boletín CIG - Saúde Laboral Nº 22

GABINETE TÉCNICO CONFEDERAL DE SAÚDE LABORAL - CIG
O envellecemento da poboación é un fenómeno presente e xeneralizado en todas as sociedades modernas. En torno ao ano 2050, as persoas maiores de 65 anos representarán máis do 30% do total da poboación. Neste horizonte temporal relativamente próximo, desde os distintos estados da UE está a considerarse necesario incrementar a participación laboral dos traballadores e traballadoras maiores, atrasándose a idade de saída do mercado laboral. Neste contexto, debería considerarse e aboradarse o envellecemento da poboación traballadora como un risco novo e emerxente, superando o actual e dominante enfoque que considera o envellecemento no traballo como unha perda progresiva da saúde e das capacidades produtivas. Envellecer non é nin unha enfermidade nin unha patoloxía, simplemente é unha variable máis a ter en conta na prevención de riscos laborais que debe ser incorporada á xestión preventiva dentro das empresas.

O Boletín CIG-Saúde Laboral Nº 21 pode descargarse premendo na seguinte ligazón ou acudindo á portada da web, ao espazo específico que ocupa o Boletín. O Boletín CIG Saúde Laboral únicamente se publica en formato dixital.

Dentro do sumario atopamos información sobre o proxecto levado a cabo polo Gabinete Técnico Confederal de Saúde Laboral da CIG ao longo deste ano 2016 enfocado á problemática específica que afecta ás traballadoras e traballadores maiores de 55 anos, documento que abre este número do Boletín CIG Saúde Laboral.

Baixo o epígrafe A fondo, atópase un completo artigo sobre o "Centenario da OIT 1919-2019. O futuro do traballo" .

O apartado Información Técnica acolle un texto sobre o "Informe executivo da EUROFOUND: Traballo sostible ao longo de toda a vida: políticas e estratexias nacionais".

Como remate, unha "Síntese de actividade do 2016" do Gabinete Técnico Confederal de Saúde Laboral da CIG.

Se estás interesado/a en recibir o Boletín CIG - Saúde Laboral na túa caixa de correo, podes darte de alta premendo aquí

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais