Portada
Gabinete
Recursos técnicos
Igualdade
Denuncias
Enlaces de Interese
Contacto
21/4/2015
Facebook Twitter Google Plus Menéame del.icio.us Chuza
compartir

Increméntase a fenda salarial entre homes e mulleres no Estado español dende o ano 2008

Igualdade
Segundo datos da Oficiña de Estatística da Unión Europea, Eurostat, a fenda salarial entre homes e mulleres creceu no Estado español 3,2 puntos dende o ano 2008, só por detrás de Portugal, pasando do 16,1 % no ano 2008 ao 19,3 % no 2013.

Pola contra, no conxunto da Unión Europea a fenda salarial diminuiu: os europeos cobraban en 2013 un 16,4 % máis que as europeas, cando no 2008  a porcentaxe estaba no 17,3%.  As baixadas máis acentuadas atópanse en Lituania, onde a fenda salarial  cae 8,3 puntos, Polonia, que cae 5 puntos e a República Checa ou Malta con baixadas de 4,1 puntos. Atendendo aos datos, a fenda salarial na Unión Europea sitúase entre o 3,2 % de Eslovenia ao 29,9 % de Estonia.

A fenda salarial non é a única diferenza en relación ao emprego entre homes e mulleres. No 2013 o 33% dos postos de dirección estaban ocupados por mulleres como media, chagando ao 64% no sector de ventas e ao 67% no caso de persoal administrativo.

Consultados sobre este tema, o 91% dos/as  europeos/as consideran que é preciso combatir a difenza de xénero para establecer unha sociedade máis xusta e o 60% indican como retos a afrontar de xeito inmediato a violencia de xénero e a fenda salarial.

Para máis información, pode consultarse a web do Instituto Nacional de Estatística a través da seguinte ligazón

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais