Portada
Gabinete
Recursos técnicos
Igualdade
Denuncias
Enlaces de Interese
Contacto
21/2/2018
Facebook Twitter Google Plus Chuza Menéame del.icio.us
compartir

Recargo de prestacións do 30% por dano psicosocial a unha traballadora

Sentenza
A Osakidetza, Sistema Público de Saúde Vasco, terá que aboar un recargo do 30% sobre todas as prestacións de seguridade social, incluíndo a prestación de incapacidade permanente absoluta por enfermidade profesional, a unha traballadora por dano psicosocial.

No ano 2015, unha sentenza recoñeceu como accidente de traballo o período de baixa que a traballadora iniciou en xullo de 2014 debido ao estado emocional e de ansiedade derivados dun conflicto laboral. A mediados de 2016 o INSS recoñece á traballadora unha incapacidade permanente absoluta. Posteriormente o Tribunal Superior de Xustiza do País Vasco, nunha sentenza que condeaba á Osakidetza ao pago dunha indemnización en concepto de danos e prexuízos, considerou que o transtorno que padece a traballadora está relacionado directamente coa situación de conflito laboral sufrida no seu posto de traballo e coa ausencia dunha avaliación de riscos psicosociais, "avaliación que tería que ter feita Osakidetza e que non se levou a cabo".

Agora a Inspección de Traballo considera que Osakidetza non implantou as "medidas preventivas axeitadas" para protexer a saúde da traballadora, o que implica que terá que pagar unha recarga do 30% sobre todas as prestacións de seguridade social orixinadas por estes feitos.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais