Portada
Gabinete
Recursos técnicos
Igualdade
Denuncias
Enlaces de Interese
Contacto
19/10/2016
Facebook Twitter Google Plus Menéame del.icio.us Chuza
compartir

O continuo incremento da sinistralidade dende o ano 2011 alarma á propia Fiscalía Xeral do Estado que alerta da sinistralidade laboral alcanzada no ano 2015.

Sinistralidade
Logo dun período de un paulatino descenso da sinistralidade laboral, no ano 2015 esta alcanza niveis de incidencia similares aos experimentados no ano 2011. A Fiscalía Xeral do Estado na memoria do último exercicio presentada no mes de setembro, indica que o número de traballadores/as mortos a causa de accidentes laborais, incrementouse no ano 2015 nun 10,1% respecto do ano 2014, pasando de 454 a 500 traballadores/as falecidos/as.

Mentres que no ano 2014 fondamentalmente incrementáronse as cifras de accidentes mortais e leves, manténdose o promedio de accidentes graves, no ano 2015 os accidentes graves experimentaron un notable aumento de 124 traballadores/as accidentados, acandándose nesta categoría a cifra total de 3.358 lesionados/as de gravidade. No que atinxe aos accidentes leves estes incrementáronse en 31.676 traballadores/as, ata acadar a cifra de 445.365.

Aínda que no lustro (2011-2016) a sinistralidade laboral tense reducido nun 11,86%, segundo sinala a propia Fiscalía, ista é unha diminución enganosa en relación ao futuro, xa que no lustro 2009-2013 a diminución foi algo superior ao 30% e a do 2010-2014 algo superior ao 25%.

En relación as dilixencias de investigación, no ano 2015 a Fiscalía incoou un total de 854 dilixencias  fronte ás 938 incoadas no ano  2014, un 8,95% menos que no ano anterior; ditándose 631 sentenzas menos polos xulgados do penal que no ano 2014 en relación a esta temática.

Finalmente a Fiscalía considera necesaria unha maior autonomía da Unidade especializada de sinistralidade laboral respecto das xefaturas provinciais e de área, o que permitiría unha maior unidade na aplicación da doutrina sobre estes delitos, mellorando en orientación e claridade xurídica para unha máis efectiva e eficaz aplicación da norma.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais