Portada
Gabinete
Recursos técnicos
Igualdade
Denuncias
Enlaces de Interese
Contacto
18/11/2013
Facebook Twitter Google Plus Menéame del.icio.us Chuza
compartir

Finaliza a programación de actividades formativas en materia de prevención de riscos laborais 2013

GABINETE TÉCNICO CONFEDERAL DE SAÚDE LABORAL - CIG
Coa celebración da Xornada Técnica “O deterioro da saúde no traballo: transtornos musculoesqueléticos e outras doenzas", celebrada en Ourense , remata este ano 2013 a programación de actividades formativas en materia de prevención de riscos laborais promovida polo Gabinete Técnico Confederal de Saúde Laboral da CIG.

A programación formativa proxectouse atendendo ás demandas realizadas polas distintas estruturas da CIG, tanto federativas como comarcais e locais, que perciben directamente as necesidades formativas en materia de prevención de riscos laborais que presentan os traballadoras e traballadores galegos.

Os grandes números indican que ao longo deste ano, impartíronse un total de 65 accións formativas  en 13 localidades das catro provincias galegas. En total beneficiáronse 1541 traballadores e traballadoras (tanto en activo como en situación de desemprego).

Así, 481 traballadores e traballadoras acudiron aos 26 Cursos Básicos en prevención de riscos laborais organizados, 806 aos 32 Cursos Monográficos, e 254 ás 7 Xornadas Técnicas programadas dende comezo de ano ata outubro. 

A programación íntegra, tanto deste ano 2013 como dos dous anos precedentes, está á vosa disposición no apartado calendario  da portada da nosa web, apartado no que se publican ao longo do ano actividades que  promove o Gabinete Técnico Confederal de Saúde Laboral da CIG.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais