Portada
Gabinete
Recursos técnicos
Igualdade
Denuncias
Enlaces de Interese
Contacto
18/1/2018
Facebook Twitter Google Plus Menéame del.icio.us Chuza
compartir

Condeada á empresa pola exposición a amianto dos veciños dunha das súas fábricas

Sentenza
A Audiencia de Madrid condenou á empresa Uralita a indemnizar con máis de 2 millóns de euros a 39 persoas, veciños da fábrica que Uralita tiña en Cerdanyola e familiares de traballadores, polos danos causados polo amianto. A sentenza considera que o amianto empregado na fábrica, en funcionamento de 1907 a 1997, está directamente vinculado cos mesoteliomas, asbestosis ou placas pleurales que sufriron. O fallo sinala que, no caso dos familiares, a exposición ao amianto produciuse debido a que os empregados lavaban nas súas casas entre 1971 e 1977 os traxes que usaban na fábrica.
No caso dos veciños, a sentenza recolle que existen informes (o primeiro do ano 1977) que recollen que nas rúas de Ripollet e Cerdanyola atopábanse "fibras e residuos de cemento e amianto" debido a que o po do proceso de moído da fábrica evacuábase ao exterior, "sen filtros nin dispositivos de retención e recollida". O tribunal conclúe que a empresa Uralita tiña que ser consciente dos perigos do amianto, pois dende os anos 40 varias institucións alertaron do seu perigo. Así mesmo, o tribunal rexeita esta interpretación e considera que Uralita "non actuou coa dilixencia esixible" e é responsable dos danos nos veciños de Cerdanyola do Vallès e Ripollet que inhalaron fibras de amianto emitidas ao ambiente exterior "sen o debido control pola actividade industrial" da empresa. 
Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais