Portada
Gabinete
Recursos técnicos
Igualdade
Denuncias
Enlaces de Interese
Contacto
17/6/2015
Facebook Twitter Google Plus Menéame del.icio.us Chuza
compartir

Nova metodoloxía para elaborar mapas de vento

I+D+i
O ICEI, grupo de investigación de Instrumentación Industrial Computacional e Electrónica da Universidade de Cádiz, propuxo unha nova metodoloxía para caracterizar o comportamento do vento con variacións cada hora e nun radio de 20 quilómetros.

Normalmente, os mapas de vento recollen características máis xerais ou a maior escala, pero para mellorar a produción da enerxía eólica son necesarios parámetros máis concretos e isto é o que aporta esta investigación.

Segundo Agustín Agüera , responsable do proxecto, "É indispensable coñecer como cambia o vento en media hora, se as variacións se producen de forma brusca ou de forma continuada ou que incerteza haberá na dirección. Estes factores son imprescindibles para a configuración dun parque eólico e o mellor aproveitamento da enerxía".

Para isto, os investigadores propoñen dous novos parámetros: o índice de complexidade temporal, que captura as variacións velocidade e de dirección do vento que, cada hora, se dan nun lugar concreto, e o índice de complexidade espacial que mide os cambios de vento nun radio de 20 quilómetros; utilizando para iso datos de dous satélites da Organización Europea para a Explotación de Satélites Meteorolóxicos.

A zona de probas localizouse no Estreito de Xibraltar, onde se obtiveron datos dende xuño de 2013 ata maio de 2014. Trátase dun enclave onde, segundo a UCA, a interacción do vento do mar coa costa é moi interesante debido á confluencia de varios elementos naturais.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais