Portada
Gabinete
Recursos técnicos
Igualdade
Denuncias
Enlaces de Interese
Contacto
17/3/2016
Facebook Twitter Google Plus Menéame del.icio.us Chuza
compartir

Xénero, cambio climático e saúde

OMS
O informe da Organización Mundial da Saúde proporciona unha primeira análise de como interactúan entre si o cambio climático, o xénero e a saúde. No informe documéntanse os datos dispoñibles con relación ás diferenzas que existen entre ambos os sexos en canto aos riscos para a saúde que poderían acentuarse a consecuencia do cambio climático, e respecto das medidas de adaptación e mitigación que poden contribuír a protexer e promover a saúde.

Os datos procedentes de estudos de diversos casos indican que a incorporación dunha análise de xénero pode aumentar a eficacia das medidas adoptadas para protexer á poboación fronte á variabilidade e o cambio climático.

No informe se indica que a vulnerabilidade das mulleres e os homes ante os efectos dos fenómenos meteorolóxicos extremos está determinada non só pola bioloxía, senón tamén polas diferenzas nas súas funcións e responsabilidades sociais, que aínda que varían, existen en todas as sociedades.

Os autores do informe adoptaron un enfoque centrado na avaliación de riscos, ao examinar os datos dispoñibles sobre as diferenzas entre homes e mulleres no que respecta á vulnerabilidade. O cambio climático é un proceso lento que se desenvolve nun contexto dominado por fenómenos climáticos variables e transitorios, onde actúan moitos outros factores que afectan á saúde humana. Hai datos sólidos sobre as diferenzas entre homes e mulleres nas consecuencias para a saúde da variabilidade climática a curto prazo e de factores nos que inflúe o clima, como a malnutrición e a incidencia de enfermidades infecciosas. Emprégase esa información para avaliar as diferenzas de xénero máis previsibles no que respecta aos riscos para a saúde e as intervencións emprendidas ao longo de períodos de tempo máis longos relacionados co cambio climático.

 

Ligazón ao informe da OMS, Xénero, cambio climático e saúde

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais