Portada
Gabinete
Recursos técnicos
Igualdade
Denuncias
Enlaces de Interese
Contacto
16/3/2018
Facebook Twitter Google Plus Chuza Menéame del.icio.us
compartir

Proxecto Intera, para a detección e redución do gas radon

SAÚDE
Este proxecto está promovido por investigadores do Laboratorio de Análise de Radiacións da USC, asociado ao Instituto Galego de Física de Altas Enerxías, e a empresa de enxeñaría Inous. O obxectivo da spin-off Intera, Innovacións Tecnolóxicas do Radon, é ofrecer solucións de mitigación do gas radon nos edificios.

O Laboratorio de Análise de Radiacións (LAR) da Facultade de Física conta con máis de 15 anos de experiencia na investigación sobre gas radon e a súa presenza no aire, auga e materiais, e participou en máis de 3.000 proxectos de medición.

Intera ofrecerá segundo o caso, solucións para a mitigación do radon en interiores, pois “non existe unha solución perfecta para que funcione en todos os casos”.  Así, ofrecerá detectores de filtro de carbón para vivendas unifamiliares, cos que en 48 horas pódese determinar con “gran fiabilidade” se hai niveles de concentración superiores ao establecido pola normativa, detectores de trazas, para facer un seguImento máis amplo no tempo de ata tres meses e medidores de continuo, que rexistran a concentración de gas en tempo real, ao tempo que a presión atmosférica, a temperatura do edificio e a humidade relativa do ambiente para determinar os puntos de entrada do gas nos edificios e acometer as posibles solucións.

O proxecto pretende dar servizos que abranguen o asesoramento e execución de medidas preventivas en edificios de nova construción, medicións, deseño e desenvolvemento de solucións, formación e consultoría.

Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais