Portada
Gabinete
Recursos técnicos
Igualdade
Denuncias
Enlaces de Interese
Contacto
Disruptores endocrinos
10/3/2015 HIXIENE
A Comisión Europea tiña a encomenda de establecer os criterios para a regulación dos disruptores endocrinos antes de que rematase o 2013. Pasado este prazo sen ter feito o traballo, Suecia denunciou o caso por retraso indebido na actuación ante o Tribunal de Xustiza.
APHA
4/3/2015 Hixiene
A Asociación Americana de Saúde Pública (APHA), publicou a principios de xaneiro un documento de posición no que solicita o recoñecemento do carácter profesional de certos tipos de cancro de mama. Esta organización que conta con 30.000 membros en todo o mundo, denuncia a falta atención aos resultados de estudos recentes que vinculan o incremento das taxas de cancro de mama á exposición a sustancias químicas no traballo.
O TRABALLO AFECTA Á SAÚDE
4/3/2015 Psicosocial
Segundo unha recente investigación as persoas que se sinten “queimadas” polo traballo ou polas actividades diarias que desenvolven, son máis propensas a padecer enfermidades cardíacas; así os/as que sufren o que se coñece como “esgotamento vital”, mestura de fatiga, irritabilidade e desmoralización, teñen un risco 36 veces maior de pedecer algunha enfermidade cardíaca.
reach
3/3/2015 Hixiene
Segundo os datos presentados polos fabricantes á Axencia Europea de Substancias e Preparados Químicos (ECHA), 5.675 substancias clasificadas como carcinóxenos, mutáxenas ou tóxicas para a reprodución (CMR) están a circular no mercado europeo, das cales só 1.169 foron rexistradas no REACH. O informe de BOTA de data 19 de xaneiro de 2015 comparou os datos proporcionados polos fabricantes na notificación da clasificación e etiquetaxe de substancias perigosas no CLP cos rexistros introducidos en virtude do REACH, tendo como resultado esa diferencia de rexistros.
Sentenza
2/3/2015 Sentenza
Segundo sentencia do 30/10/2014 da Sala do Social da Audiencia Nacional, en relación á demanda presentada contra a Sociedade Estatal de Correos e Telégrafos S.A. e contra a Mutua de Accidentes de Traballo e Enfermidades Profesionais da Seguridade Social Fraternidade Muprespa, por realizar prácticas que, cando se produce un accidente de traballo ou unha enfermidade profesional, inclúen a ocultación ou denegación do informe de investigación preceptivo aos delegados de prevención e aos representantes sindicais, estes sí teñen dereito a recibir unha copia dos informes de accidente realizados pola empresa.
Sentenza
24/2/2015 Sentenza
O Tribunal Supremo declarou firme unha sentenza do Tribunal Superior de Xustiza de Cantabria na que se condena a unha estación de servizo a indemnizar con case 171.000 euros a un traballador que foi agredido e atracado por dous encapuchados que accederon á estación dende unha zona que non se atopaba correctamente iluminada. A Sala do Social do Tribunal Supremo non admitiu o recurso interposto pola empresa, á que o traballador lle reclamaba danos e prexuízos por este accidente laboral.
Sentencia accidente laboral
19/2/2015 Sentenza
A Audiencia de Cantabria absolveu a dous socios dunha construtora que foran condenados anteriormente a dous anos de cárcere pola morte dun obreiro que caeu dunha escaleira, ao considerar que non se trata dun delito contra os dereitos dos traballadores en concurso con outro de homicidio imprudente, pois o traballador non empregou os medios de seguridade indicados por un dos acusados, xefe do departamento de obras e delegado de prevención de riscos laborais . Esta sentenza da Sección Terceira da Audiencia de Cantabria revoga unha anterior do Xulgado do Penal número 4 de Santander, que impuxo unha indemnización de 123.200 euros á viúva e filla do falecido, un fontaneiro de 62 anos.
PREVISEL 2015
6/2/2015 10 e 11 de febreiro de 2015
Os vindeiros días 10 e 11 de febreiro, terá lugar en Ourense a décima edición do Salón da Prevención e a Seguridade Laboral, PREVISEL. A CIG estará presente a través do expositor para o intercambio de información e o contacto co público asistente e da organización da Xornada Formativa: "A acción da/o delegada/o de prevención: unha necesidade".
Imaxen da Axencia Europea
6/2/2015 EU-OSHA
Un informe da Axencia Europea para a Seguridade e a Saúde no traballo (EU-OSHA) sobre o cancro relacionado co traballo ten o propósito de examinar os métodos de avaliación actuais. Ofrece recomendacións para solucionar as deficiencias existentes nos nosos coñecementos actuais, un labor crucial se desexamos mellorar a identificación e a prevención do cancro relacionado co traballo.
Fallo  xudicial
5/2/2015 SENTENZA
O Xulgado do Penal número 6 de Málaga ten condenado por dous delitos de lesións imprudentes a seis persoas relacionadas coas obras dun edificio de vivendas polo accidente laboral acontecido en abril de 2009, no que dous traballadores quedaron sepultados e resultaron feridos de diversa consideración.
Xuíz
2/2/2015 SENTENZA
O Xulgado do o Penal número 6 de Alcalá de Henares ten condenado ao xefe de obra da empresa contratista e ao encargado da empresa subcontratada como responsables de comisión dun delito contra os dereitos dos traballadores e lesións por imprudencia grave ao pagamento dunha indemnización de case 800.000 euros e a penas de prisión de 4 meses e medio no primeiro caso e de 3 meses no segundo.
Depresión no ámbito laboral
28/1/2015 PSICOSOCIAL
A depresión é a principal causa de minusvalidez no mundo, afectando a máis de 350 millóns de persoas. Ademais dos síntomas máis coñecidos, como o baixo estado de ánimo, a depresión ten outros síntomas que afectan ás capacidades da persoa que a sofre: falta de concentración, indecisión ou problemas de memoria.
Sentencia accidente laboral
26/1/2015 SENTENZA
O accidente produciuse cando a vítima traballaba no interior dun colector que estaba a ser equipado para convertelo nun centro de transformación para parques solares. Nun momento dado, o cadro eléctrico que manipulaba, duns 300 kg de peso, desequilibrouse e derrubouse sobre o traballador. O transporte e posicionamento vertical do cadro realizouse coas pinzas dun touro, sen elemento ningún de fixación ou amarre.
Sentencia accidente traballo
21/1/2015 SENTENZA
Na sentenza o titular do Xulgado do Social número 1 de As Palmas de Gran Canaria, acepta a baixa por ansiedade dun traballador, derivado polo acoso laboral continuado da súa empresa, como incapacidade permanente e polo tanto recoñece o mobbing como accidente de traballo.
accidente laboral
16/1/2015 SENTENZA
Na sentencia do Tribunal Superior de Xustiza do País Vasco indícase que a incapacidade temporal da traballadora debida a un cadro de ansiedade e depresión consecuencia dun conflito prolongado co seu superior xerárquico, debe ser considerado accidente de traballo. Esta sentenza atende a un recurso de súplica da traballadora e revoca unha sentenza previa na que se consideraba a patoloxía sufrida como enfermidade común.
Nanomateriais
15/1/2015 HIXIENE
A Unión Europea considera insuficiente e pouco operativa a información proporcionada polos rexistros nacionais de nanomateriais existentes en Bélxica, Dinamarca e Francia, polo que inicialmente desbota creación dun destes rexistros a nível da UE.
APP
29/12/2014 PSICOSOCIAL
A Occupational Health Clinics for Ontario Workers (OHCOW), coa axuda do Centro Canadense para a Saúde e Seguridade Ocupacional (CCOHS), elaborou unha aplicación para teléfonos intelixentes (app) que permitirá ao usuario completar o Cuestionario Psicosocial de Copenhaguen (CoPsoQ) e obter os resultados automaticamente.
Bisfenol
29/12/2014 HIXIENE
Francia declarou a guerra ao bisfenol A. O Goberno presentou un informe ao Parlamento francés o 21 de novembro, no que se avaliaban os posibles substitutos para o bisfenol A. Numerosos estudos demostraron os efectos negativos para a saúde da exposición ao bisfenol A, sobre todo no fígado, os riles, o sistema reprodutivo e as glándulas mamarias.
Sentencia accidente traballo
12/12/2014 ACCIDENTE LABORAL
Estúdase unha situación en que coinciden un accidente laboral e unha enfermidade común. A mutua considerou as dúas continxencias como unha soa, de carácter común. O Tribunal Superior de Xustiza do País Vasco sentencia que ao haber unha soa continxencia debe considerarse laboral.
accidente laboral
11/12/2014 Accidente laboral
A Audiencia de Málaga confirmou a condena imposta por un xulgado a dous responsables dunha obra polo accidente laboral que sufriu un traballador, o cal resultou lesionado ao caer desde unha altura de seis metros. Así, desestímase o recurso de apelación da defensa contra a sentenza e ratifícase a pena de 16 meses de prisión e multa de 2.700 euros imposta a cada un.
Sentencia accidente traballo
26/11/2014 ACCIDENTE LABORAL
O Xulgado do Social n.º 2 de Pamplona resolve contra as resolucións da Mutua e o INSS que consideraron que non era accidente laboral.
Sinal nanomateriais
20/11/2014 HIXIENE
Os traballadores de todos os países enfróntanse a novos riscos derivados do rápido avance das novas tecnoloxías baseadas nas aplicacións das estruturas atómicas de escala nanométrica coñecidas como nanomateriais
Fallo  xudicial
19/11/2014 ACCIDENTE LABORAL
Dous empresarios e un arquitecto técnico recoñeceron a súa responsabilidade nun accidente laboral acontecido en 2008 en Oviedo, no que un traballador resultou ferido grave. Cada un dos acusados aceptou unha condena total dun ano e seis meses de prisión e o pagamento dunha multa.
Sentencia accidente traballo
18/11/2014 ACCIDENTE LABORAL
O coordinador de seguridade dunha papeleira de Hernani e unha técnico de prevención de riscos laborais dunha contrata encargada de limpar as instalacións da papeleira foron condenados a sete meses de cárcere por un accidente laboral no que dous operarios resultaron feridos graves.
Traballo quendas
18/11/2014 SAÚDE LABORAL
Traballar nun horario non estándar, o que con frecuencia se coñece como "traballo en quendas", durante moitos anos non só é difícil para o corpo, senón que quizais tamén embote a mente, suxire unha investigación recente. Segundo o estudo, os que realizan traballo en quendas durante máis de 10 anos parecen ter o equivalente a 6’5 anos adicionais de declive na memoria e nas habilidades de pensamento relacionado coa idade.
SQM
13/11/2014 SAÚDE LABORAL
O Estado español recoñeceu oficialmente a sensibilidade química múltiple (SQM) ao incorporala á súa Clasificación Internacional de Enfermidades ou CIE (o sistema co que a Sanidade clasifica e codifica os seus diagnósticos). Esta é a fórmula autorizada pola Organización Mundial da Saúde (OMS) para que un goberno -baixo certas pautas- poida oficializar as doenzas dos seus cidadáns que ela aínda non catalogou a nivel internacional. Desta forma ou Estado español súmase á lista que recoñecen a SQM, como Alemaña (2000), Austria (2001), Xapón (2009), Suíza (2010) ou Dinamarca (2012).
Sentenza
13/11/2014 ENFERMIDADE PROFESIONAL
A sentenza, de novembro de 2013, sobre a enfermidade profesional contraída por unha traballadora do sector de fabricación de mobles, exposta a inhalación de serraduras e de produtos químicos, e a revogación da recarga de prestacións imposta á empresa polo Xulgado de instancia é exemplar no sentido de que delimita de forma moi clara cando se debe aplicar a recarga de prestacións, en función do incumplimento ou omisión do empresario nas súas obrigas respecto a seguridade e saúde dos traballadores.
Harvest
12/11/2014 SAÚDE LABORAL
Anunciouse o gañador do Galardón Cinematográfico Lugares de Traballo Saudables 2014: o xurado elixiu Vendange, de Paul Lacoste. Xa no seu sexto ano de apoio ao galardón, que se presentou no marco do Festival Internacional de Cine Documental e de Animación de Leipzig (DOK Leipzig), a Axencia Europea para a Seguridade e a Saúde no Traballo (EU-OSHA) proxectará a película por toda Europa para contribuír a fomentar a sensibilidade polos problemas de seguridade e saúde no traballo (SST).
Accidente construción
11/11/2014 Accidente laboral
O Xulgado do Penal número 3 de Albacete condenou ao coordinador de seguridade e as administradoras da empresa a indemnizar con 181.815,24 euros ao traballador que sufriu o accidente laboral. Ademais, o xulgado impuxo, a cada un do tres condenados, unha pena de nove meses de cárcere por consideralos presuntos autores dun delito contra a seguridade no traballo e un delito de lesións por imprudencia grave. En maio de 2005 o traballador accidentado atopábase colocando taboleiros de encofrar á altura da quinta planta, sen levar arnés ou outra medida de seguridade; nun momento dado perdeu o equilibrio e caeu até a cuarta planta, desde unha altura aproximada de 2,70 metros. Como consecuencia das lesións provocadas pola caída, o traballador sufre secuelas que lle orixinan unha incapacidade permanente total para a súa actividade habitual.
Teléfono móbil
10/11/2014 HIXIENE
Nos dous últimos decenios realizouse un gran número de estudos para determinar se os teléfonos móbiles poden causar riscos para a saúde. Ata a data non se confirmou que o uso do teléfono móbil teña efectos prexudiciais para a saúde.
Con la financiación de/ Co financiamento de:
DI-0015/2009, AD-0002/2011, DI-0001/2011, DI-0001/2012, DI-0001/2013, DI-0001/2014, DI-0001/2015. Os contidos publicados son responsabilidade exclusiva do Gabinete Técnico Confederal de Saúde Laboral da Confederación Intersindical Galega e non reflicte necesariamente a opinión da Fundación para a prevención de riscos laborais