Financiado por:
/ Recursos Técnicos / Recursos didácticos

Condicións de traballo e saúde. Guía para o monitor

12-09-2012 - INSHT

Este material didáctico, elaborado e actualizado polos técnicos/as do Centro nacional de Condicións de Traballo do INSHT, está composto por un conxunto de transparencias e por unha colección de exercicios para facilitar a tarefa do monitor na preparación e desenvolvemento das sesións de formación en forma de arquivos PDF correspondentes a unhas 1500 transparencias e uns 75 exercicios resoltos así como un sistema HTML para a súa consulta.

Estes arquivos encóntranse agrupados en catroce capítulos, cada un deles dedicado a un tema concreto.


A localización de cada transparencia pódese realizar seguindo a orde dos diferentes textos básicos e dentro de cada texto segundo a orde dos distintos capítulos tal como están estruturados na edición en papel.

Tamén para facilitar a busca dun determinado conxunto de soportes visuais facilítase a posibilidade de busca por palabras clave relacionadas cun tema, sen circunscribirse a un texto concreto, senón buscando no conxunto da colección.


A necesidade deste material de apoio está avalada polo feito de que xeralmente este tipo de ensino vai dirixido a adultos, e polo tanto hai que estimular unha actitude participativa para alcanzar un nivel aceptable de asimilación de coñecementos.

Ademais da capacitación e experiencia profesional do monitor encargado de impartir a formación, é un factor primordial que a metodoloxía seguida obrigue os alumnos a tomar decisións sobre situacións concretas e a debater entre eles as súas opinións, o que forzará un proceso de construción persoal das ideas, a partir das ideas doutros compañeiros e, por suposto dos coñecementos do monitor.

Neste contexto a resolución de exercicios en grupos reducidos, seguida inmediatamente dunha sesión de posta en común é unha técnica moi utilizada e que recomendamos encarecidamente.


O número de transparencias é amplo para cada apartado de forma que permite ao monitor elixir aquelas que polo seu contido ou presentación mellor se adapten ás características do grupo ao que debe dirixirse.


Inclúese ademais unha colección de exercicios, aínda que se recomenda que se utilicen exercicios coñecidos ou experimentados polos propios alumnos, é dicir que os datos poidan ser recoñecidos polos alumnos como próximos, desta forma favorécese a implicación do alumno na discusión e mellórase a compoñente participativa do ensino.


. Seguridade no traballo


. Capítulo I: Os accidentes e a seguridade no traballo


. Capítulo II: Custos dos accidentes de traballo


. Capítulo III: Control estatístico da sinestralidade


. Capítulo IV: Investigación de accidentes


. Capítulo V: Avaliación de riscos e revisións de seguridade


. Capítulo VI: Normas e sinalización de seguridade


. Capítulo VII: Lugar e superficie de traballo


. Capítulo VIII: Caídas de altura


. Capítulo IX: Máquinas e ferramentas


. Capítulo X: Elevación, transporte e almacenamento


. Capítulo XI: Riscos eléctricos


. Capítulo XII: Produtos químicos


. Capítulo XIII: Incendios e explosións. Plans de emerxencia


. Capítulo XIV: Equipos de protección individual

 

Fonte INSHT

Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca RSS