Financiado por:
/ Portada / PRL Sectorial

Uranio

05-12-2011 - Hixiene

O R.D. 783/2001 sobre protección sanitaria contra radiacións ionizantes inclúe a obrigatoriedade da identificación das actividades laborais nas que os traballadores poidan estar expostos a fontes artificiais de radiación (por exemplo, en moitas actividades industriais emprégase o Cesio 137). Unha modificación recente a este regulamento (18 de novembro de 2010), inclúe a obrigatoriedade da identificación das fontes naturais de radiación (actividades nas que se removen sustancias radioactivas procedentes da cortiza terrestre, por exemplo o caso dos traballadores do granito)

O home está exposto continuamente a radiación procedente de numerosas fontes tanto naturais como artificiais.

Convén lembrar que todo o terzo norte peninsular, especialmente Galicia, amplas zonas de Estremadura, Castela e León e a Serra de Guadarrama, ocupan terreos de "estirpe granítica", un tipo de roca rica en uranio. Esta é a razón pola que os traballadores de diversas actividades laborais realizadas nesas áreas deben ser incluídos como traballadores expostos a fontes naturais de radiación (por exemplo, os traballadores do granito en Porriño, Vigo, traballadores de termas, traballadores de minas).

A vía respiratoria é a ruta máis importante de entrada de uranio ao organismo a través das partículas de po de uranio (as partículas solubles en auga [dióxido de uranio] absórbense mellor que as insolubles en auga [óxido de uranio]). O uranio absorbido pasa rapidamente á corrente sanguínea e deposítase no seu maior parte en óso e ril, onde exercen o seu efecto tóxico, especialmente no ril. Unha parte menor do uranio circulante elimínase por ouriños.

A ACGIH americana inclúe a análise do uranio dentro da súa guía (é de incorporación recente); a súa análise faise en ouriños á fin da xornada laboral e o valor BEI admitido é < 200 mcg/L. O TLV admitido para o uranio natural (compostos solubles e insolubles) é 0.2 mg/m3. No Estado español o TLV admitido é o mesmo; con todo o BEI non está aínda incorporado na guía do noso país.

Tomás Camacho

Prevenciónintegral.com

Documentos

Ficha técnica do dióxido de uranio.pdf
Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS