Financiado por:
/ Portada / Delegados

Multa record nos Estados Unidos: 209 millóns de dólares

26-04-2012 - Accidente laboral

O 5 de abril de 2010, na mina de carbón Upper Big Branch Mine-South, no estado norteamericano de West Virginia, produciuse unha explosión que acabou coa vida de 29 mineiros. Tratouse do accidente de traballo máis grave ocorrido nos Estados Unidos desde 1970, cando morreron 38 mineiros nunha explosión nunha mina de carbón no estado de Kentucky.

Tras o accidente, o gobernador do Estado encargou un informe a un grupo de expertos, cuxa primeira conclusión era que “o desastre en Upper Big Branch foi provocado polo home e podería previrse se Massey Energy [a empresa] seguise os procedementos de seguridade ben coñecidos e de eficacia historicamente comprobada”.

Como é lóxico, os sindicatos tamén elaboraron o seu informe (154 páxinas, outubro 2011), no que non só pon de manifesto a responsabilidade da empresa, senón un certo grao de pasividade por parte de Mínea Safety and Health Administration, organismo responsable do control da seguridade e a saúde nas minas.

O 6 de decembro de 2011 anunciouse o acordo entre a fiscalía e a empresa, polo que ésta aceptaba pagar unha multa de 209 millóns de dólares, dos cales 46,5 millóns destinábanse ás familias das vítimas e 80 millóns á aplicación de medidas de seguridade na mina. No outro prato da balanza, o acordo incluía a renuncia a perseguir penalmente á empresa pero non a renuncia ás accións penais dirixidas contra individuos, é dicir, contra os directivos da empresa.

Como a can fraco todo son pulgas, o mesmo día mínea Safety and Health Administration fixo público o seu propio informe da investigación e a imposición dunha multa de 10,8 millóns de dólares por un total de 369 incumprimentos legais, doce dos cales contribuíron directamente á produción do accidente.

As conclusións do informe non foron moi distintas das anteriores, atribuíndo á cultura de seguridade da empresa a causa última do accidente.

O informe, en diversas versións de distinta extensión e outras información complementarias de interese, está dispoñible na seguinte ligazón:

http://www.msha.gov/fatals/2010/ubb/performancecoalubb.asp

Fonte: Erga@online

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS