Financiado por:
/ Portada / Delegados

Considerado como accidente in itínere o sufrido por unha traballadora que se desviou para deixar ao seu fillo en casa dos seus avós nun día non lectivo

31-05-2019 - SENTENZA

O Tribunal Superior de Xustiza do País Vasco considerou que a desviación no traxecto habitual non pode considerarse allea a unha concausa laboral porque para poder acudir e executar o seu traballo, era do todo necesario conciliar a súa vida familiar.

A traballadora accidentada, enfermeira de profesión, tiña programadas dúas citas domiciliarias antes da súa incorporación ao seu centro de traballo nun ambulatorio, e no traxecto que vai dende o seu lugar de residencia ata o seu lugar de traballo, desviouse para deixar ao seu fillo ao coidado dos avós. Para o TSX do País Vasco, en sentenza 112/2019, do 15 de xaneiro (Rec. 2505/2018), aínda que non forma parte do camiño habitual, non rompe o nexo causal.

Foi inmediatamente despois de deixar ao seu fillo no domicilio dos seus pais, e cando saía da localidade de residencia destes cando o coche que circulaba detrás dela chocou por alcance, sufrindo a enfermeira lesiones que motivaron a súa baixa por "cervicalxia postraumática", que non pode ser cualificada como continxencia derivada de enfermidade común, senón como accidente de traballo.

Esta desviación no traxecto habitual non pode considerarse allea a unha concausa laboral porque para poder acudir e executar o seu traballo, era do todo necesario conciliar a súa vida familiar o que esixía procurarse os medios para o coidado do seu fillo, máxime nun caso como o presente no que o accidente de circulación ten lugar nun día non lectivo do fillo da accidentada. Ademais, o tempo investido non foi excesivo como para romper o nexo causal necesario.

O TSX estima o recurso e recoñece o accidente do que deriva a incapacidade como accidente de traballo in itinere porque como xa indicou o Supremo, a interpretación das normas debe adaptarse á realidade social e esta revelou novas formas de organización do traballo e da propia distribución deste no fogar familiar, que impoñen unhas esixencias de mobilidade territorial que obrigan aos traballadores para realizar continuos axustes.

Nun suposto moi similar ao presente, o TSX de Galicia (sentenza 1766/2012, de 26 marzo, Rec.3883/2008) cualificou como accidente de traballo in itinere o sufrido por traballadora cando se dirixía ao seu lugar de traballo tras deixar aos seus fillos, en día non lectivo para eles, no domicilio da súa nai.

Ligazón ao texto da sentenza do Tribunal Superior de Xustiza do País Vasco

Ligazón á  sentenza 1766/2012 do TSXG

Fonte: Noticias xurídicas

 

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS