Financiado por:
/ Portada / Delegados

Cada dous días morre un traballador por un accidente de tráfico laboral

17-10-2014 - SEGURIDADE

Un total de 181 traballadores morreron durante o pasado ano por un accidente de tráfico durante a súa xornada laboral en España, o que significa que cada dous días se produce un sinistro mortal relacionado co traballo.

Estas son algunhas conclusións dos últimos datos Instituto Nacional de Seguridade e Hixiene no Traballo, desvelados por María Victoria De La Orden, conselleira técnica do Observatorio Estatal de Condicións de Traballo.

Durante a súa exposición, realizada no marco da presentación do II Barómetro de Mobilidade Laboral, elaborado polo Real Automóbil Club de España (RACE) en colaboración con TomTom Telematics, De la Orden sinalou que en 2013 houbo 52.129 accidentes laborais de tráfico, dos que 37.723 foron “in itinere” é dicir, de casa ao traballo e viceversa (72,4%), e 14.406 sucederon durante o horario laboral (27,6%).

Os accidentes laborais de tráfico supoñen un 11,1% do total dos accidentes de traballo, que ascenderon a 468.330, aínda que un 32,4% cando morre algún traballador (181 faleceron sendo condutores dun vehículo, polo total de 558 que perderon a vida no horario laboral en calquera tipo de actividade).

 

Fonte: prevention-world.com

 

 

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS