Financiado por:
/ Medio ambiente

A contaminación atmosférica provoca 7 millóns de mortes ao ano

19-06-2019 - Contaminación

O tres por cento das mortes ao ano no Estado español atribúense á contaminación. Uns sete millóns de persoas se se fala a nivel mundial. Con todo, "a mortalidade é só a punta do iceberg" deste problema, tal e como se apunta dende o Departamento de Epidemioloxía e Estatística da Escola Nacional de Sanidade - Instituto Carlos III de Madrid.

No transcurso dunha Xornada Informativa organizada pola Sociedade Española de Pneumoloxía e Cirurxía Torácica (Separ) coa colaboración da Asociación de Informadores de Saúde (ANIS) e da Asociación de Xornalistas de Información Ambiental (APIA) tratouse a contaminación ambiental como un problema de saúde, que debe ser atallado polos sanitarios, pero tamén polos políticos, capaces de crear medidas efectivas fronte a ela e dos profesionais da información, encargados de axudar na sensibilización.

"Os neumólogos estamos a falar dun novo enfermo respiratorio: o planeta. Deunos todo o que tiña para alcanzar ese estado de benestar. E é por iso polo que estamos a enfermar agora ao planeta", asegurou a coordinadora da área de Enfermidades Respiratorias Ocupacionais e Ambientais de Separ.

E dentro da problemática, existen poboacións de risco: as persoas maiores e a poboación infantil. "A contaminación ambiental provoca aproximadamente 600.000 mortes ao ano en nenos menores de 5 anos. En 2012, o 26 por cento da mortalidade infantil podería previrse coa redución de riscos ambientais”. Así mesmo, apuntou que os nenos que viven en cidades contaminadas teñen unhas catro veces máis probabilidade de ter unha función pulmonar máis baixa.

Nesta Xornada tamén se falou do ruído: "O ruído é un contaminante de primeira orde cun impacto en saúde respiratoria, cardiovascular, diabetes ou neurolóxica". Ademais, está detrás de 1.700 nacementos con baixo peso ao nacer (un 13% do total) e dun 17% dos nenos que nacen prematuros. "E desprezámolo na sensibilización á poboación e en plans e impactos".

"Os efectos da contaminación empezan a facer dano dende o embarazo ao feto. Afecta á placenta e fai que os nenos nazan con baixo peso, con afectación do sistema inmune ou a diminución da función pulmonar",

Pero os danos que provoca a contaminación acompañan ao longo da vida, sobre todo os causados polos óxidos de nitróxeno (provocan aproximadamente unhas 6.000 mortes ao ano no Estado), as partículas en suspensión (2.600 mortes anuais), e o ozono troposférico (500).

Un adulto medio respira máis de 15 metros cúbicos de aire ao día. Os contaminantes, aínda que a miúdo sexan invisibles, poden ter efectos moi graves, como "a irritación das vías respiratorias, a disnea ou dificultade para respirar e unha maior probabilidade de sufrir un ataque de asma. Ademais, sábese que é un carcinóxeno de primeira orde",

A contaminación non só ten repercusións na saúde. Tal e como explicou Urrutia, no ano 2013 estimouse que os custos relacionados coa saúde por mor da contaminación na Unión Europea oscilaron entre os 300.000 e 940.000 millóns de euros.

Ademais, o impacto económico das mortes e enfermidades relacionadas supoñen ao redor do 0,5% do PIB (e un 1,7% do gasto sanitario), mentres que a nivel global o custo económico das enfermidades relacionadas coa contaminación ascende a 3,7 billóns de euros ao ano (6,2% da riqueza do planeta).

"A contaminación ambiental é un grave problema dende o punto de vista da saúde e económico, que require solucións políticas", apuntou pola súa banda o presidente de Separ.

Para explicar o que se pode facer dende a política estiveron Miguel Anxo Fernández Lores, alcalde de Pontevedra, e Alfonso Gil Invernón, tenente de alcalde e concelleiro de Movilidad e Sustentabilidade do Concello de Bilbao. Ambos contaron a experiencia das súas dúas cidades ata diminuír a contaminación grazas a programas de mobilidade e de redución de coches. Porque, tal e como dixeron, "mellorar a calidade de vida é o primeiro". Os coches, despois.

Fonte: Redacción Médica

Empregamos cookies de terceiros para xenerar estatísticas da audiencia (GOOGLE ANALITICS), para o traductor de idiomas (GOOGLE), acollido a “Privacy Shield”.
Se continuas navegando estarás aceitando o seu emprego. Aceptar | Mais información
Confederación Intersindical Galega - Miguel Ferro Caaveiro 10, Santiago de Compostela Versión anterior da páxina Foros Biblioteca Privacidade RSS